டோலிவுட் திரையுலகில் முன்னணி நடிகராக இருக்கும் விஜய் தேவரகொண்டா, இனி அந்த மாதிரி படங்களில் நடிக்க மாட்டேன் என தெரிவித்துள்ளார்.
தெலுங்கில் வெளியான அர்ஜுன் ரெட்டி படத்தின் மூலம் பிரபலமானவர் விஜய் தேவரகொண்டா. அந்த படத்தை தொடர்ந்து கீதா கோவிந்தம், டாக்சிவாலா, நோட்டா, டியர் காம்ரேட் உள்ளிட்ட படங்களில் நடித்து வெற்றி நாயகனாக வலம் வருகிறார். இவர் நடிப்பில் அடுத்ததாக உருவாகி இருக்கும் படம் ‘வேர்ல்டு பேமஸ் லவ்வர்’. இப்படத்தில் விஜய் தேவரகொண்டா ஜோடியாக நான்கு ஹீரோயின்கள் நடித்துள்ளனர். இத்திரைப்படம் காதலர் தினத்தன்று ரிலீசாக உள்ளது.
இதையொட்டி இப்படத்தின் அறிமுக விழா ஐதராபாத்தில் நடைபெற்றது. இதில் பேசிய விஜய் தேவரகோண்டா, மக்களின் ரசனை மாறி கொண்டே இருப்பதால், இனி காதல் தொடர்பான படத்தில் நடிக்க போவதில்லை என்று தெரிவித்துள்ளார். மேலும் ரசிகர்களுக்கு புது அனுபவங்களை தரும் படத்திலேயே நடிக்க விரும்புவதாக அவர் கூறியுள்ளார்.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
