தலைவர் 168 பட அறிவிப்பை பார்த்ததும் தனுஷ் நினைவு தான் வருகிறது.
தர்பார் படத்தை அடுத்து ரஜினிகாந்த் சிறுத்தை சிவா இயக்கத்தில் நடிக்கும் தலைவர் 168 படத்தில் நடிக்கும் நடிகர்கள், நடிகைகள் குறித்த அதிகராப்பூர்வ அறிவிப்பை வெளியிட்டு வருகிறது சன் பிக்சர்ஸ். சதீஷுக்கு திருமணம் நடந்த நாளான நேற்று அவர் தலைவர் 168 படத்தில் நடிப்பதாக அறிவித்தது சன் பிக்சர்ஸ் நிறுவனம்.
ரஜினியுடன் சேர்ந்து ஒரேயொரு படம், ஏன் ஒரு காட்சியில் கூட நடித்தால் போதும் என்று பல நடிகர்கள், நடிகைகள் ஏங்குகிறார்கள். ரஜினியின் மருமகனான தனுஷுக்கும் அதே ஏக்கம் தான். கவுரவத் தோற்றம் இல்லாவிட்டாலும் ஒரு காட்சியில் ரஜினியின் பின்னால் ஓரமாக நின்றால் கூட போதும் என்று தனுஷ் வெட்கத்தை விட்டு தன் ஆசையை சொல்லிவிட்டார்.
தனுஷ் தன் ஆசையை வாய்விட்டு தெரிவித்தும் அது இன்றுவரை நிறைவேறவில்லை. ரஜினியை வைத்து குடும்பப்பாங்கான படத்தை எடுக்கும் சிவா அதில் மாப்பிள்ளை தனுஷுக்கு ஒரு சீன் கொடுப்பாரா என்கிற எதிர்பார்ப்பு ஏற்பட்டுள்ளது.
ரஜினி எப்பொழுது புதுப்படத்தில் நடித்தாலும் அதில் நடிக்க நமக்கு ஒரு வாய்ப்பு கிடைக்காதா என்று ஏங்குகிறார் நடிப்பு ராட்சசனான தனுஷ். அவரின் ஆசை இம்முறையாவது நிறைவேறுமா என்பதை பொறுத்திருந்து பார்ப்போம்.
தலைவர் 168 படத்தில் குஷ்பு, மீனா, கீர்த்தி சுரேஷ், சூரி, சதீஷ், பிரகாஷ் ராஜ் உள்ளிட்டோர் நடிக்கிறார்கள் என்பது குறிப்பிடத்தக்கது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
