கழுத்தில் மஞ்சள் நிற தாலியுடன் இருக்கும் சாயிஷா: வைரலாகும் புகைப்படம்!

ஆர்யாவை திருமணம் செய்து கொண்ட சாயிஷா கழுத்தில் தாலியுடன் இருக்கும் புகைப்படம் ஒன்று சமூக வலைதளங்களில் வைரலாகி வருகிறது.

அறிந்தும் அறியாமலும் படத்தின் மூலம் தமிழ் திரையுலகில் கதாநாயகனாக அறிமுகமானவர் ஆர்யா. ‘கஜினிகாந்த் படத்தில் நடித்தபோது ஆர்யாவுக்கும், நடிகை சாயிஷாவுக்கும் இடையே காதல் மலர்ந்தது. கடந்த பிப்ரவரி 14-ம் தேதி காதலர் தினத்தன்று டுவிட்டர் பக்கத்தில் இருவரும் தங்கள் காதலை உறுதி செய்தனர்.

https://www.instagram.com/p/BvEdVl3jLyv/

இதையடுத்து கடந்த 10-ம் தேதி ஹைதரபாத்தில் உள்ள தனியார் ஹோட்டலில், இரு வீட்டார் சம்மதத்துடன் ஆர்யா – சாயிஷாவின் திருமண நிகழ்ச்சி இஸ்லாமிய முறைப்படி நடந்தது. இதனை தொடர்ந்து, சென்னை தேனாம்பேட்டையில் உள்ள நட்சத்திர ஹோட்டல் ஒன்றில் ஆர்யா-சாயிஷா திருமண வரவேற்பு நிகழ்ச்சியும் நடந்தது.

இதையடுத்து, இருவரும் தேனிலவிற்கு சென்று வந்தனர். அப்போது எடுக்கப்பட்ட புகைப்படத்தை இருவரும் தங்களது டுவிட்டர் பக்கத்தில் பதிவிட்டனர். இந்த நிலையில், தற்போது சாயிஷா கழுத்தில் மஞ்சள் நிற தாலியுடன் இருக்கும் புகைப்படம் ஒன்று சமூக வலைதளங்களில் வைரலாகி வருகிறது.


* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.